【逃過一劫】
薄扶林道昨午恐怖車禍一刻，驚心動魄，在港島一國際學校工作的謝先生下班後駕車載同女同事，剛巧尾隨其中一輛肇事的七人車，他目擊田螺車從小路衝下來，一秒間連撞三車，他事後猶有餘悸表示：「耷（煞車掣）嗰時腳都震，如果我行快啲，我知道就係我喇，好多碎片飛埋嚟，好似拍戲咁，架車（田螺車）都冇停過，中間架車仲夾到扁晒，呆咗一陣，係喎！要報警！」
謝又稱，平時行過現場可能已經爬頭，幸當時載有女同事，所以車速較慢，慶幸逃過一劫。
客貨車凌空打觔斗
事發後現場碎片橫飛，女途人陳小姐亦險被「玻璃雨」濺中，她驚魂甫定後直言：「（假如）行埋兩步，啲玻璃就插晒上身！」她在瑪麗醫院一地盤擔任文職，當時剛下班，如常沿斜路行落薄扶林道，惟途中突然聽到「呯」一聲恍如爆炸巨響，她一轉身，即見一輛客貨車四輪朝天，其後再凌空打了個觔斗，大量碎片如雨散下，她幸無受傷，有驚無險。陳又稱，初時只見一輛客貨車反轉再反轉，豈料「一秒之間就見到白色車同田螺車夾住咗佢（紫色私家車）」。
■記者梁煥敏