渣打翁世權（Simon）更上一層樓！呢位渣打香港認股證銷售董事，今個月開始睇埋股票結構性產品一瓣，華華噚日第一時間打電話去恭喜佢，佢笑笑口話多謝，但因為金融海嘯之後，股票結構性產品監管好嚴，所以唔方便講太多新工作嘅內容。
不過Simon就大派定心丸，話會繼續專注窩輪工作，「上電視同報紙專欄呢啲工作唔會停，嚟緊仲會出席兩場認股證seminar㖭！」
咁又係嘅，Simon喺5年前加盟之後，渣打嘅窩輪業務就越做越旺，以成交額計，最近仲打入三甲，4月有隻港交所（388）窩輪，單日成交高達10億元，正正嚟自渣打手筆，Simon又點會捨得呢個一手湊大嘅寶貝仔吖，跟開Simon冧巴嘅窩輪炒友，可以放心喇！