大台重播劇集《大時代》令劇中女角李麗珍最近人氣急升，原來佢炒樓幾叻㗎喎。佢2007年跟著名填詞人潘源良復合後，近年先後聯名買入兩個單位投資，聞說，佢哋喺2011年以780萬元買入嘅元朗加州花園洋房，最近以1,100萬元沽出，賺咗320萬元。
聽代理講，李麗珍同潘源良呢個加州花園單位市值1,200萬元，家陣賣平近一成，不過都有賺喇，只係賺少咗啫。
睇番李麗珍過去廿幾年炒樓史，多數揸貨不出3年即沽，僅1個單位持貨超過3年，就係西半山一個單位，佢1992年以731.5萬元買入，揸到1999年以950萬元沽，賺218.5萬元。其餘8個單位買入1至3年就沽，而且，只輸一次約275萬元，其餘有賺無蝕，估計佢炒樓賺唔少，相信今次只係貫徹佢嘅炒樓原則。