家庭主婦打份工，都要有人權，呢點西方國家就比較前衞，有份1976年由美國著名性學家Shere Hite 寫嘅《海蒂性學報告‧女人篇》（到了今日幾十年後都有相當影響力），調查對象係七十年代一班人妻，連有幾多百分比嘅老公「食軟飯」，都統計了出來，真係職場女性必讀。報告話我哋知，做人老婆，都可以有好多種，而你，又係以下邊一種老婆呢：
點擊選擇： http://poll.fm/5auij-zh-tw
1) 一世食自己型老婆：報告話，25歲以下女人，有82%不願在財政上依賴他人。越來越多女人發現無論結婚與否，其實都要養自己一世。
2) 財爺型老婆：報告話，無論老婆有冇外出工作，都有91%女人負責計數，忙於處理月結單。而且老公擔起頭家嘅家庭入面，有82%，錢會畀晒老婆話事。
3) 出廳堂兼洗米型老婆：報告又話，有12%女性，賺錢比老公多，甚至全部收入都是老婆的（俗語講老公「食軟飯」）。
4) 同無結婚無分別型老婆：有28%家庭，老公老婆分別有自己銀行戶口，家庭開支「AA制」。
各種老婆，都有難處，但共通點係，報告入面，她們都係「女權」至上一族。庸人自擾型，婚後無福消受，被迫做番OL；財爺型老婆，話晒事，但成為整天擔心找咗信用卡數未的「月結單族」；出廳堂洗米，就預咗男權無法彰顯，老公會自卑；最後一種老婆，同唔結婚冇乜分別，各自各精采，似乎有權得來，又自由。
記者：童 傑
資料來源：《海蒂性學報告‧女人篇》（The Hite Report on Female Sexuality ）