現年45歲的鄭嘉穎和23歲的陳凱琳（Grace）最近合作新劇《殭》，兩人被指暗撻三個月，前晚二人與同劇演員陳嘉寶（Anjaylia）、黃又南、陳山聰及一眾幕後人員等到灣仔一間飯店舉行煞科宴，與嘉穎傳不和的謝安琪疑太盡興飲醉提早離開。
Grace答應食飯
「父女戀」主角鄭嘉穎和Grac合照時有點尷尬，未知嘉穎是否想「回春」，刻意剃掉鬍鬚回復青靚白淨樣，他說：「唔同感覺啫。」問可有不捨？他說：「呢套劇我好冧（辛苦）呀，我諗係我喺TVB嚟講拍最長嘅劇。」被追問有沒有不捨Grace？他冧笑謂：「我哋拍完劇啫，仲係朋友，我同TVB又未滿約，仲有機會再合作。」有傳兩人去完荷蘭外景後感情更穩定，嘉穎亦預告下月返大陸拍劇前，會約女方食飯：「我都未心急，你哋急乜啫？總之多謝關心，得㗎嘞，食吓飯先啦。我都係嗰句畀啲空間啦，見到食飯正常事，唔好大驚小怪。」
Grace對嘉穎邀請同樣開綠燈，指約食飯無問題，問身在加拿大的父母有沒有追問戀情？她說：「冇，一向有傾偈，唔會特別問呢啲，之前係朋友。我哋同親戚有個family chat，大家好體貼，畀空間我哋。」她還表示不介意坐嘉穎順風車，她說：「走順便車埋冇乜嘢，朋友車朋友唔係好大件事。」
風騷似足女主人
晚上10時多，眾人意猶未盡轉場到銅鑼灣再唱卡拉OK。嘉穎與Grace傾談幾句後，便高呼：「上車！」然後Grace與好姊妹Anjay、賴慰玲和阮兒便一同坐上嘉穎的保母車。之後曹永廉、蕭正楠、陳山聰等陸續抵達，玩至凌晨2時半才各自離開。嘉穎雖然未走，但就細心安排Grace從後門秘道上了自己的保母車，直駛往Grace的九龍塘豪宅寓所。她落車前先拉埋窗簾整理儀容，落車時禮貌說：「Hello。」被問為何走後門？她說：「方便啲嘛。」再問嘉穎為何不直送回家？Grace沒有回答，便「嘭」埋大閘返家。
採訪、攝影：嵐山、畢紹基、徐錦池、朱志聰
