要數呢輪A股大牛市，不能不提內地獨創的「市值管理」管理制度，堪稱神奇。內地股市去年起大升，除咗中央下半年開始放水外，另一重要原因為，國務院去年5月推出資本市場發展意見，內地稱為「國九條」。其中最重要一條係「鼓勵上市公司建立市值管理制度」，簡單嚟講，即係鼓勵上市公司自己做莊，推高股份。
到底甚麼是市值管理，官方至今沒有定義。內地流行做法是上市公司搵基金圍飛，一起炒高股份。中證監上周六炮轟，有上市公司以市值管理的名義，配合股東減持和管理層股權激勵，從事涉嫌內幕交易、操縱市場的行為。講到底，市值管理被濫用，都是因為阿爺縱容。官方背景的市值管理研究中心發佈報告，話去年市值管理成績最高，總之股價高就當係政績，谷到爆為止。
黃尹華