米芝蓮三星名廚都係普通人一個，Umberto Bombana嘅減壓方法原來都包括做運動與食嘢！
唔講唔知，Bombana每個星期日都會行山，由朝早行到中午，每次可以行2至4小時。由於佢住港島，所以好多時會行石澳、赤柱、薄扶林等地區，佢喜歡沿途欣賞自然景色，曬曬太陽，出一身汗，乜都唔諗，放鬆心情行山就係佢嘅減壓良方，晚上仲可以睡得更香甜。
Bombana亦有自己喜愛嘅「dangerous comfort food」，包括雪糕、各類甜品與朱古力，不過佢話，隨着年紀越來越大，佢都唔敢食咁多，只係每日食幾口，平日仲要多食蔬菜、水果，要維持身體健康咁話。