斥資28億嘅機場二號客運大樓（T2）啟用咗12年就要拆卸重建，終於吸引到最近頻頻喺網上抽水嘅「大嘥鬼」出現。噚日大嘥鬼就陪住同環境局局長黃錦星似到十足嘅黃錦腥，一齊參觀呢個香港最貴嘅臨時建築。
邀請佢哋兩個嘅人人監機會召集人巫堃泰話，T2當初同立法會申請咗3,000幾萬嚟起海關同出入境設施，但少人用不特止，𠵱家仲四圍都係吉舖，因為起三跑嘅仲準備要拆，名副其實係大嘥，唔明點解冇人要問責落台，所以要搵黃錦腥幫手解話。之但係黃居然話拆T2係促進經濟，仲係咁講話「唔大嘥」。巫聽完都話冇晒辦法，雖然明知機管局係獨立王國，但佢哋都會試吓去立法會申訴部投訴。