【本報訊】屹立銅鑼灣逾半世紀的老字號么鳳涼果零食，富明街老店今年3月不敵貴租悄然停業，創辦人司徒汝蕃後人司徒永信（Ivan）近日成功與業主傾妥新租約，以朋友價承租老店，預計6月中下旬重新高懸「紅雞仔」么鳳招牌做生意。老店將仿照90年代舖頭擺設，甚至打算重用雞皮紙袋盛載涼果零食奉客，Ivan坦言重開老店只為情意結，保存老香港風味，「唔蝕已經當贏」。
記者：馬志剛
近月自由行減少，不少原本被迫離開銅鑼灣的老店終獲生機，如老牌越南餐廳香河，也獲業主續約，繼續營業。慶幸有得留低的么鳳第三代接班人Ivan說：「當初知道會執，點都有唔開心。」他表示自小在老店「打躉」，「放學踢對拖鞋就落舖頭……童年所有生活就喺嗰度度過，係好多年嘅回憶」。Ivan說，之前老店租金水平太高「博唔過」，後來由熟人做橋樑，才和業主達成滿意條件和金額，決意重開老么鳳，延續陳皮話梅與冬薑的港式風味，還有Ivan最愛的齋雞粒、芒果乾和杏仁糖。
用雞皮紙袋載涼果
上海么鳳近年積極擴充，近30家分店當中多以紅黑白三色為裝修主打，洗去老舊面貌，遂有「新派」之說。Ivan卻表明，老店將按照昔日照片，從裝潢到用料，都盡量回復舊貌，已經積極物色有裝修辦館經驗的老師傅，找來像以前的貨架層板，尋找以往放在門口的不銹鋼汽水櫃，「側邊有得開汽水嗰隻呢」，甚至找回轉盤電話，及打算用雞皮紙袋盛載小份量的零食給客人，勾劃出90年代的么鳳士多。
Ivan說，老店租金雖說是朋友價，但已是旗下近30家分店當中，「數二數三」貴租舖位。他強調重開老店不為賺錢，只為保存舊記憶，更預料可能會拉低公司整體業績，「從生意角度去睇，其實算係失敗嘅決定，但好多嘢都唔係用錢可以衡量……邊間舖都執得，老店一定要守護住，算係買番個情意結」。
近期市道回落，銅鑼灣吉舖湧現，Ivan坦言涼果生意也略有影響，但並不完全是因為內地客減少，更因為舊式「口立濕」漸被遺忘。他說去年多開4、5家分店，但整體入貨量只有前年的八成，惟有嘗試再引入新貨種，例如茶葉及中式健康食品等，迎合健康潮流。
