劉嘉玲、白雪仙、陳寶珠、陳奕迅（Eason）同老婆徐濠縈等昨晚在灣仔君悅酒店出席領賢慈善基金舉辦的「和諧妙韻」晚宴。嘉玲穿上露背晚裝、拖住胡兵一起亮相，她表示有興趣參演粵劇，希望仙姐可以指導自己，但在現場卻不敢與對方打招呼，她笑着解釋：「唔敢叫佢，連寶珠姐都好驚仙姐，因為真係睇輩份。當年我喺電視台要自己梳頭化妝，有大老倌要即刻企起身打招呼同讓坐。」被追問是梁醒波還是李香琴？她口密說：「邊個唔講嘞。」
Eason為阿徐擋駕
胡兵表示今次是畀面家姐（劉嘉玲）而來，明天便會返東京。早前他亮相一個日本綜藝節目狂晒豪宅、靚衫及名錶，被指炫富？他說：「好無辜，原本唔係咁，俾人寫到咁。其實我喺現場會好啲，我喺日本十幾年，知道應該講乜，自己說話好小心，同政治解讀都要好小心。我唔可以話自己係中國人，要答我係上海人、或北京人，一定要避開北京中國呢啲字，可能會soft啲。」問他可會低調些？他說：「識我十幾年嘅人都知，我係着呢啲衫，我今年45歲，我覺得冇乜特別。做藝人低調唔到，最重要自己開心，唔介意人講乜。」
另外，Eason早前被老婆勒令要減肥戒煙才肯生B，他昨笑說：「我問過佢啦，佢話同你哋冇乜嘢講，所以噏吓，同埋運動員唔識同人溝通。」此時阿徐剛抵達，Eason即心急護妻：「你唔好過嚟呀，我幫你頂！」對老婆爆他有都市病，他笑說：「冇問題，我懷疑自己少見記者，今日見完好開心。」問他可是膽固醇過高？他說﹕「咁私人嘢唔方便講。但佢有煮紅米、燕麥畀我食，健康咗好多。但生唔生唔會同大家分享，有就有，冇就冇啦。」
採訪：黃曉妍
攝影：陳俊強
