【本報訊】上一代老師講六四，學生總被老師的眼淚震懾。49歲陳智聰1989年起執教鞭，六四歷史課一教便四分一世紀，但今年因殺校退下火線，最後一屆DSE學生亦已離校，今年的六四課堂只有記者聆聽。他說每個世代總被一些事撼動內心，但對民主、自由價值的追求應不分國界，希望學生眼光遠大。
記者：潘柏林
陳智聰1989年師範畢業，教中文和中史，「我1989年9月開始正式教書，就喺呢間學校，直至今日，數埋手指頭26年」。
他從來不會叫學生出席六四集會，寧願在課堂鋪陳事實，早年推一部電視機入課室，播放無綫當年製作的30分鐘無旁白屠城特輯，最後才分享個人的感受。電視畫面和老師的眼淚，同令學生動容，「佢哋覺得好奇怪，平時咁道貌岸然，講起呢啲事流眼淚」。
難忘當年冒雨聲援
六四事件20周年，陳智聰爭取全校700位學生一同參加周會，作為訓導老師平日扮演「黑面」角色，當天穿起黑色垃圾袋，親述1989年5月20日那晚，自己和4萬港人在8號風球下遊行聲援北京學生，仍舊為屠城流淚，那日連調皮的學生也專注。
39歲的通識科老師方景樂表示，老師流下的淚水是一場洗禮。1989年他讀中一，屠城翌日，最木訥的數理科老師說畢早晨之後，站在講台上淚流不止，「最深刻感覺係個政權真係做錯咗，如果唔係做錯嘢，我諗唔明點解當年啲老師個個都喊」。
2006年方景樂成為首批通識老師，社會其後湧現一系列六四「反思」，老師忙於破解歪理，包括政權要鎮壓換穩定，鮮血換麵包；有人提出無歷史論，「嗰時黑麻麻，乜都睇唔到」；更加有人將責任推在學生身上，「你唔係咁激，都唔揸槍射你」。
近年香港社會掀起本土思潮，新一代每每質疑去六四集會的意義。方景樂指當年百萬港人上街聲援學運，啟蒙一代人爭取民主，新一代沒有這份情感，亦要尊重他人的執着，討論不應該非友即敵。他覺得悼念六四的理由很簡單，「有啲人為咗自己理想，喺26年前咁樣死去，我哋要記住佢哋嘅犧牲，同對呢個地方嘅愛，我覺得呢兩樣嘢，已經足夠令我繼續去」。
陳智聰明白各世代對六四情感不同，「唔同世代總有一啲事撼動內心，咁啱我嗰代經歷六四，呢代90後老師喺夏愨道瞓咗幾個禮拜，呢樣係我及唔上佢哋」。
北京壓制港人訴求
他指港人對民主的訴求受北京壓制，先追求本地民主是「本能反應」，但他希望學生眼光遠大，「佢哋覺得距離現實太遠，某程度係踏實，畢竟爭取咗咁耐，似乎好似8.31一樣不可撼動。但我嗰代覺得（民主中國）係一個人間美善追求、美好願景，點解我哋眼光唔放得遠大啲？」
有些事情或許徒勞無功，但有人仍願意去做。陳智聰在公餘時間為進步教師同盟擺街站，呼籲市民反對人大8.31框架。今年六四他仍會在維園點起燭光。