「好羡慕佢哋呀，如果我讀書時有校際賽就好喇！」有咩令到應屆世界女子桌球冠軍吳安儀（左二）口水都流埋呢？之唔係第一屆喺順利邨體育館舉行嘅校際英式桌球比賽囉！佢噚日應邀做頒獎嘉賓，大讚一班香港學生桌球手有天份，只要放多啲時間練波，日後成為香港代表都唔出奇。噚日個人冠軍由聖公會基孝中學嘅張仕龍勝出，隊際賽就由應屆亞青銅牌得主陳銘東助陣嘅慈幼英文學校奪冠。