上周中咗浦和紅鑽讓球「主勝」，都幾驚險，事關鹿島鹿角（白衫）有反底表現，睇住佢哋壓住浦和嚟打，氣勢強勁。上場失分，但狀態返晒嚟，特別係巴西翼鋒卡奧盧卡斯喺左邊舞龍咁舞，松本山雅今日有難啦！今日先玩場鹿島鹿角讓球主客和「主勝」！
今日我諗全人類都會留意英足盃決賽，阿仙奴對維拉，咁啱十幾年前嚟過香港搵食嘅鶴治，今年帶班後生仔嚟參加國際七人賽，成廿年老友，難得佢重返香港，當然要同佢問好，順便問吓佢對呢場決賽有咩睇法。大舊佬話今晚雲格十分之肉緊，因為佢老人家唔想又畀人笑佢今季「四大雞胸」。
兵工廠戰意不成疑問，最近狀態亦唔曳，禾確特上仗演帽子戲法，今晚可能出任中鋒位置，而中場好跑得嘅韋舒亞復出，調動方面亦多個選擇。相反維拉聯賽榜38分僅僅唔使死，收「咧」前連輸兩場，唔好話係留力呀！讓球主客和「主勝」有2.25倍，希望唔會令大家跌眼鏡！
見佢鬼咁有信心，一於跟佢，講完正經事我就問佢有冇興趣嚟亞洲或香港教波，佢話：「領隊，好似我哋咁嘅球員，退出球員生涯之後球會畀份工我哋，其實都好滿足，亞洲其他地方我就唔太了解，但香港搞波環境，我廿年前領教過，今晚贏波收錢去灣仔飲杯啦！」
本地職業領隊
耳聽八方 專收好料