陳豪昨日到銅鑼灣出席護膚品品牌活動，已經是兩子之父的陳豪，在台上坦言見到小朋友便很開心，他直言：「乜嘢煩惱都冇晒，用千萬嚟換（小朋友）都得。」事後陳豪表示是真心話並說：「因為係人生最大嘅喜悅，見到佢哋開心健康，幾攰都會醒。」問到太太陳茵媺湊仔生活？他說：「辛苦㗎，大仔一醒就全日睇住佢，想佢哋放眼世界，又要佢哋自律，𠵱家同佢哋講道理，要慢慢教。」陳茵媺早前曾表示想復工，不過陳豪說：「如果佢想出嚟，我支持㗎，我係佢fans，不過遲啲先，小朋友仲細，小朋友大少少就OK。」
至於有指一直打算開咖啡店的陳豪，因風水問題而暫緩計劃，他說：「呢個計劃一直進行緊，但唔想公開。」
採訪、攝影：溫敏芝