支聯會年年都係喺六四前發起愛國民主大遊行,今年定於明日下午3時由灣仔修頓球場出發,今年終點改為中聯辦,直接向象徵北京權力核心嘅機構提出抗議,到時計劃喺外面繫黃絲帶。不過,八方收到風,因雨傘運動而冒起嘅一眾藍絲嘅組織,會喺遊行終點「恭候」。「和平論壇」與「反黑金關注組」喺facebook開專頁吹雞,周日下午4時於中聯辦外舉行「六四睇真啲集會」,揚言要「撕破支聯會欺世盜名的面具」。港人年年風雨不改去維園點亮燭光,八方好相信港人對六四真相都好清楚,難怪個活動至噚日都只有8個人表示會參加啦。