去年1月與拍拖11年的女友Tina（駱保雯）註冊結婚的梁烈唯，昨日在尖沙嘴洲際酒店補擺喜酒。婚宴以太空為主題，筵開52席廣邀圈中好友，雖然唯唯與Tina已經註冊，不過當時一切從簡，所以今次婚宴依足傳統儀式。
他們早上在酒店接新娘兼向雙方父母斟茶，兄弟和姊妹團的陣容亦強勁，包括應采兒、陳敏之、胡定欣、袁偉豪、鄭俊泓及林盛斌（Bob）等合共32人。阿Bob在接新娘時與幾名兄弟變身《魔雪奇緣》（Frozen）中的Elsa公主，他們一身紅唇、假髮，認真惡頂！難怪他事後亦忍不住留言：「點解次次接新娘啲硬嘢全部都係我。」不過最後他還是說：「排除萬難，終於接到了！畀啲掌聲先啦！」
有造人計劃
大約在下午4時左右，一對新人在兄弟和姊妹團的陪同下，齊齊在酒店影大合照，兩人更應傳媒要求咀足4次，前一晚心情太緊張而失眠的唯唯，坦言感謝天公造美沒有下雨，問到早上接新娘的情況，他說：「我敲咗20分鐘門都冇人應，淨係聽到裏面有人笑，點知一開門問我攞錢，我梗係唔制喇，跟住佢哋逼我哋飲酒，我估唔到佢哋會出呢一招（扮Elsa），仲要跳《Let it go》，袁偉豪係跳得最好。」
問太太有否感動落淚？唯唯說：「有一個位都幾感動，有啲『浪』住，但係我爹哋喊得仲犀利！」造人計劃方面，他坦言：「我都想生，不過呢啲要睇個天，唔係想要就有。」至於婚宴內容，唯唯說：「我會唱一首歌，亦準備咗驚喜畀太太，我仲搵咗好多飲得嘅兄弟頂酒，雖然佢哋好飲得，但係啲姊妹仲飲得！」
昨晚的嘉賓包括鄭希怡與老公梁學儲、呂慧儀一家、邱淑貞、陶大宇與及過氣戀人胡杏兒和黃宗澤先後到場， 專程內地返港到黃宗澤被問有傳杏兒不續約，他說：「我唔知呀，冇乜聯絡，不過就算唔續約，都可以保持良好合作關係。」他亦稱即使碰面都不會尷尬，而且更反問大家有否好介紹。
採訪：譚倩宜
攝影：沈健程
