如果「蛇齋餅糭」呢類着數滿足唔到新一代，究竟有乜嘢先至可以令到𠵱家啲年輕人多啲留意區議員呢？
民主黨區諾軒推出由佢親自教授嘅免費日語速成班，噚日開始公開招生，短短3小時，20個名額，已有17人報名。
寧願旅行唔上車
區諾軒奉行「本土主義」，所有利東邨、漁安苑和南灣居民優先取錄，其次係南區，區外人以先到先得形式獲取錄。
佢話因為反應熱烈，好大機會會加班，讓更多街坊受惠。
已考獲日本語能力測試（N1）、去日本旅行毫無語言障礙嘅區諾軒話，今次係首次招生教日文，估唔到反應咁熱烈，希望街坊去日本旅行嘅時候，有幾句常用會話傍吓身，區諾軒又話，佢喺日本旅行同買樓之間，選擇咗去日本旅行。
區諾軒大學時代開始學日文，平時毒不可耐，沉迷日本動漫，例如《魔法少女小圓》、《fate / stay night》，曾經留學日本一年。