當激進泛民議員噚日喺議事廳為反對預算案拉布期間，民建聯「元秋」蔣麗芸噚日就喺立法會走廊表演另類「拉布」，着上佢自己設計、用新布造成的新衫見記者，再即場示範如何用塊布包住自己個頭。
元秋話，呢件衫有齊4個國家特色，師傅用咗幾日至整成，手工要800幾蚊，材料則百幾蚊，「塊布圖案係印度布，個衫領有中國特色，膊頭係菲律賓式公主袖，個衩有少越南式高衩」。元秋話，呢件衫叫「亞洲國際服」，方便佢出席不同族裔的宴會，話之前已試過用塊布包住個頭，同黨友tree根到訪清真寺，噚日就話呢套係新衫，「第一次着出街，所以有新聞價值」喎。