【本報訊】樓市熾熱，除了大單位搶手，細碼盤亦繼續吸引市場目光。元朗洪水橋新盤尚築下月初賣樓，昨日於旺角售樓處首度開放示範單位予公眾參觀，睇樓人龍排至旺角道行人天橋一帶，而往年難得一見的尼姑睇樓畫面亦再次活現眼前。
折實入場費240萬
尚築周三公佈首張價單，60伙折實售價最平240萬元，昨日下午3時，旺角示範單位外有逾百名代理及睇樓客在超過30℃的氣溫下等候，人龍排至旺角道行人天橋，間中出現打蛇餅，而排隊人龍中更包括一名尼姑。該項目昨日同時接受認購登記，一客最多3票，每票8萬元；消息指該項目至昨晚已收票近1,000張，超額逾15倍。
情侶睇樓客葉先生及何小姐說：「最緊要都係睇價錢，已經了解過尚築周邊嘅配套、價錢同單位大細等嘅資料，就算單位細，都要住住先。」
■記者黃嘉銘