【本報訊】香港仔華富邨華景樓一名34歲姓冼住客，昨凌晨2時許下班回家，把一雙從內地買來價值約100元的紅色波鞋脫下放在門外，當他入屋沖涼後到走廊乘涼，見一名少年在樓下走廊手上拿着他的波鞋，冼立即下樓向少年質問，對方辯稱：「垃圾桶執嘅！」冼於是報警，警員到場將涉嫌偷竊的15歲姓黃少年拘捕。
冼先生稱，被捕少年十分面熟，疑住同一幢大廈，「唔值錢嘅，一舊水（100元）之嘛，大陸買番嚟」。冼與父親、胞弟及弟婦同住，今次已是第三度被偷鞋，上一次是今年農曆年之前，亦被偷去一對波鞋；另一次是數月前，冼弟亦被偷波鞋。冼笑言：「我對鞋8號半碼，佢（少年）冇我咁高大，應該唔啱着，唔知偷嚟做乜！」
■記者李家傑、劉漢權