銀娛（027）旗下「澳門銀河」二期與「澳門百老匯」啱啱喺星期三開幕，老闆呂志和邀請好多朋友到場一齊賀開張，當中就包括3位退而不休嘅政商名人：前經濟發展及勞工局局長葉澍堃、財經事務及庫務局前局長馬時亨，同埋啱啱成為新灃（1223）第二大股東嘅柯清輝，3位仲要帶埋太太一齊去玩。
華華前日喺銀河二期嘅商場先後遇到佢哋3對夫婦，馬時亨係當日朝早過去，先打場golf，下午參加開幕儀式，再去主人家舉行嘅晚宴，噚日先至返港。葉澍堃都係睇完開幕、去埋晚宴。佢兩位同柯清輝喺空檔時間，冇自己走入賭場搏殺，反而陪太太喺商場行逛，幾乖喎。