特首梁振英昨日在答問大會中，將近日老人院員工被指虐老，歸咎土地不足，影響院舍服務質素，令不少政圈中人暗笑，有立法會議員笑言，繼佔中以及警方的不誠實取用電腦後，土地不足勢必又成政府推卸施政問題的另一「萬能key」；但有建制中人認為，梁又拿出土地不足為老人院不足問題開脫，相信是為他爭取連任、為任期內施政乏善足陳，先行搭建下台階。
該建制中人相信，政改方案否決後，梁就會開始部署連任，自2012年梁上任至今，具體政績可謂寥寥可數，「數來數去，都係得低津、長生津，但其實呢單嘢關林鄭月娥事，都唔關佢事」。至於梁政綱中提到甚麼打擊樓價、承諾不用擴建堆填區，自然是無影無蹤，而他上任至今，社會矛盾及怨氣不斷上升、港獨思潮有增無減，抵銷限奶令、港人港地等「德政」，梁要爭取連任，自然要找開脫藉口，「咁有乜好得過賴土地不足、反對派針對佢、外國敵對勢力支持反對派阻佢施政？」
另一名商界人士更對季陶說，一些核心梁粉，私下對梁連任充滿信心，已揚言梁必定冧莊，有核心梁粉更直言，梁今屆政績成效不彰，正是受上屆政府留下問題阻礙、土地不足，以及反對派、佔中干擾，又說梁有向中央交代，中央是支持及明白，「即係話，佢做唔到唔關佢事，有呢啲萬能key下台階，佢先可以爭取連任」。
周一至周五刊出
季陶