拍咗拖幾年嘅社民連副主席吳文遠同前學聯秘書長周澄近月已經分手，二人分手消息月初已喺社運界流傳，身在瑞士嘅周澄回覆八方時指，今次分手與第三者無關：「唔係第三者，和平分開的，不過原因係我哋兩個之間的事，唔想同其他人交代，希望大家唔好有無謂猜測啦，我哋都需要啲空間。」文遠就未有回覆八方。
文遠同周澄拍拖初期，一直都比較低調，近年就間中將二人甜蜜相上載到facebook呃吓like，文遠曾經講過等周澄今年喺英國讀完個碩士就結婚，但事與願違。周澄近日去咗瑞士，但從相中所見，周澄心情似乎不錯，不過上載得用嚟呃like嘅相，又點會苦瓜乾呢？