噚日恒指突然大跌逾600點收市，因持有港交所而大有斬獲嘅立法會金融服務界議員張華峰，噚日喺跌市其間一直留守議會，不斷按贊成掣為政府護航，但就不時低頭睇手機，八方相信佢要睇住個市。
收市後，張華峰同八方講，對大跌市「有啲意外」，但並沒有因而心慌慌，仲笑笑口話：「呢啲情形見怪不怪，呢啲政策市，喺資本、股票市場一定係預咗。」他又表示對跌市早有心理準備，「因為前兩日（中央）已經講緊查孖展，跌市係因應中央要打壓過份炒作」。
佢相信未來呢啲波動會陸續有來，呼籲小股民要量力而為，佢自己則好淡定，噚日冇趁低吸納，因為尚未到要掃貨時候，「我覺得仲有得回吐吓」。