無綫巨星幫出身、現年35歲的劉威煌，近日過檔新公司，重新在音樂路上追夢，偏偏卻在這個時間爆出去年低調娶了億萬身家有米老婆林佳琪，焦點拉歪，威煌抗拒被指靠外家，即使被周刊爆出老婆娘家在內地經營礦業生意，他都封嘴避談：「我唔知佢屋企啲嘢，知咗又如何，無謂引起尷尬，我又唔係要佢屋企support。」
劉威煌否認有「女尊男卑」壓力，訪問當日大振夫綱：「佢（指太太）𠵱家姓劉，我養自己頭家冇問題，兩公婆慳少少，男人係有責任。我入行前做咗10年印刷sales，都儲咗少少積蓄，最好將來老婆唔使做，我賺錢佢享福，我到時就真係威。」劉威煌堅持朝音樂夢想進發：「我要將夢想變成理想，再實踐。」