鄭融和巨星幫出身的劉威煌，近日齊換經理人變同門關係。未婚的鄭融想趁着沒家庭束縛再在事業上衝線，留下婚前光輝成績，即使年屆30歲，仍企硬拒做熟女。至於家有億萬人妻的劉威煌，卻希望靠自己實力豪養老婆，公然示威。
撰文：比華利
一支花年齡的鄭融，03年入行至今，轉眼已12年，一直載浮載沉，星途正如她的代表作《紅綠燈》，明明綠燈，轉眼便成紅燈，鄭融總是捉不緊上位機會，最近她轉會新經理人公司棋人，希望自此事業長開綠燈。
鄭融日前接受本報專訪時直認過往多年，事業兜轉總沒突破，她說：「咁有啲嘢真係唔係幾理想，當中係有阻滯，好令人洩氣。」鄭融最怕時間不等人，所以她決定在演藝上多方面嘗試，除繼續唱歌送知音，也計劃進軍大銀幕，並有意學楊千嬅、王菀之，做螢幕大笑姑婆，發放笑彈，鄭融說：「我好恨拍笑戲，我覺得自己呢方面係得嘅。」
唔怕做高齡產婦
鄭融入行時才19歲，玉女之齡卻被叫「融姨」，還嗌到街知巷聞，難得她大方不嫌棄，任叫唔嬲，但她卻堅持與熟女大纜扯唔埋：「呢行印象中，有資格做熟女嘅係劉嘉玲，熟女要有韻味，劉嘉玲係表表者，佢達呢個level。我就一啲都唔心急，享受活在當下。」鄭融拒升呢熟女，她說：「我知遲早會有呢一日，但我暫時真係唔諗住。」
不做熟女就不如做人妻，30歲屆適婚年齡的鄭融，與老外男友拍拖4年，是否有結婚計劃，抑或新合約不准結婚？她否認：「合約係冇明文規定我唔准結婚生仔，好開明，我同男朋友都好夾，相處得好好，但我就未ready建立家庭，暫時個心都想喺事業再發展吓，結婚生仔就會變咗另一個階段，𠵱家未有家庭束綁，仲可以挑戰自己。」鄭融雖不急嫁，但有意在七年之癢前箍實男友，屈指一算，要是3年後出嫁也不至於做高齡產婦，她說：「吓，𠵱家做定多啲運動，強身健體，又或者食多幾劑中藥，醫學始終昌明，唔使怕。」
此外，鄭融對新經理人充滿憧憬，更大讚同門的巨星幫劉威煌：「佢轉數好快，同佢合作好開心，有機會希望我哋可以唱首合唱歌。」拍照期間，劉威煌鬼馬擺甫，遭鄭融取笑。
服裝：10thshop
場地：Orange Peel Music Lounge
