曾經被女友當街怒摑的「14巴港男」趙詠明，上周參加電影《壹獄壹世界》坐流動囚車活動，昨日在銅鑼灣「刑滿出獄」，成功得2萬元獎金。電影公司安排了林芊妤（Coffee）和他的孖生哥哥接放監，問到趙詠明坐監7日成功拎獎金的心情，他說並不辛苦，自己並不是貪錢一族，之後會答謝哥哥請他食飯。
Coffee直言欣賞「14巴港男」：「佢一定好愛佢女朋友，因為呢個男仔跪喺度畀女仔打14巴，我覺得係可以同佢一齊，同埋值得原諒，開頭以為佢女友接佢出嚟，唔知佢哋分開咗。」笑問她會否考慮下14巴港男？她說：「了解咗先。」
張建聲年底翻肥
另一方面，為《壹》片而增磅的張建聲，昨日在觀塘拍減肥廣告，赤膊上身兼谷胸騷肌現手瓜，他表示由去年12月至上月已搣甩45磅肥肉，現時體重152磅，他更說年尾可能再為拍戲變肥仔。同場的唐貝詩被問為何未有穿泳衣現身？她說：「要睇情況，錢越多會露得越多，係成正比。」
採訪：張俊銘、卓寶花
攝影：陳順禎