唔少港人緬懷殖民地時光，連「梁粉」兼前布政司鍾逸傑（圖）都一樣，佢接受馬會刊物《駿步人生》訪問時話，自英殖時代開始，香港嘅公共設施都係由大企業提供，包括電車、小輪、煤氣、電力，仲話港英政府比已故英國前首相戴卓爾夫人，更早懂得利用企業推動社會建設，言下之意，似乎係想話自己勁過戴卓爾夫人。
鍾逸傑曾深入分析思考去年爆發嘅佔領運動，認為至今仍有人留喺街上留宿抗議，「It's amazing!」但鍾逸傑不無感慨今時今日嘅香港，社會政治發展令人不滿意，失去方向，仲講咗一句：「過去政府做過一些不太明智的決定，令我們發展失去勢頭。」不太明智嘅決定，唔知包唔包向市民連環放催淚彈？