今日係亞視58周年台慶日，自4月1日行政會議否決亞視續牌，亞視玩完已進入倒數階段。亞視執行董事葉家寶之前講過想揀亞視台慶日執笠，將生死忌歸納同一日，光榮結業。曾為亞視落過男兒淚嘅家寶，最近轉口風指亞視有不死空間，要亞視繼續撐落去。家寶經動新聞向亞視講最後一聲：「Happy birthday to ATV」。
家寶表示今年台慶唔會大肆慶祝，只會重温亞視嘅光輝回憶，佢話：「冇咩值得哀傷，冇牌已經成為事實，我哋展望將來。」即使贈慶送上改歌詞嘅《零時十分》，家寶都話：「唔使咁傷感。」難得家寶咁正面，動新聞亦特別為家寶送上特製MV，陪佢慶祝亞視58周年台慶。