【本報訊】國泰空中服務員工會跟資方昨在灣仔稅務大樓談判，逾200名會員到場聲援，幾乎坐滿灣仔稅務大樓地下大堂，人數之多是意料之外，反映罷工的決心。任職國泰空中服務員15年的劉小姐直言，對公司不滿已達頂點，管理層冷待員工訴求，即使罷工也無懼秋後算賬，「人唔可以窮得只剩下金錢」。
削津貼等同減人工
「我哋唔係要問公司攞多啲乜嘢，而係要攞番我哋原先有嘅權利！」劉小姐斥公司違反協議，沒經諮詢便更改政策。她又指，過去15年空服員底薪只由9,000元增至1萬元，「15年一間新界兩房樓，都由140萬變到550萬，竟然呢班15年後加入嘅後生仔女，只係搵多1,000蚊」。
外界難明空服員薪酬福利計算，甚至批評他們貪得無厭。空服員馮小姐解釋，國泰招聘時常標榜薪酬有1.6萬元至1.8萬元，其實當中包括酒店膳食津貼，削減津貼也等同減人工。另一空服員Tim表明，若談判破裂會配合罷工行動，「我哋都唔想罷工，希望可以同公司解決問題」。
■記者王家文