正所謂識睇一定睇留言，請到一個幽默回應技術員管理社交平台，除了政改自然sell乜都得。美國GROUPON就深明此道，早前在facebook推銷香蕉儲存器，由於外形太似性玩具，吸引大批網民留言問問題，爭食便宜花生，GROUPON的回應也非常高質，總是能耍太極推走與性有關的暗示。埋單計數，有成萬幾個留言，兼賺到萬幾個虛擬拇指及四萬幾個些牙。600個香蕉儲存器光速售罄，但網民仍然樂此不疲留言。GROUPON三位幽默回應技術員扮到好儍好天真，見招拆招，好波！
留言：保護器有坑紋是為了令香蕉更興奮？
回覆：這個問題很複雜。香蕉不似我們有感覺，不過我們的科學家推測香蕉在裏面會極度舒服。
留言：如果我老婆已將它放在床頭櫃兩個半月，但我從來未見過裏面有蕉，我應否擔心？
回覆：這是一個提示，提示你要買一些新鮮生果回家。
GROUPON最近要推銷的是上圖這個單車鏈清洗器，這個洗鏈器似乜，有目共睹。網民高呼：你畀我唞吓得唔得？再一次引起熱烈討論。四面八方的高手精警提問，好彩人家有特別的回答技巧。
留言：我一日洗兩三次單車鏈，洗鏈真係令人好滿足。有時洗幾分鐘，有時要成個鐘。
回覆：輕手一點，慢慢來，無人想見到你弄傷條鏈。
留言：如果晚上我覺得寂寞，它幫到我嗎？
回覆：好多客人向我們說晚上護理單車，可幫助紓緩緊張神經。
這些爆笑的對答令人聯想到幾年前，賣家jackywong666 於香港Yahoo拍賣場賣泰國香米，極多花生友提問刁難，賣家氣定神閒，幽默應對。雖然經過那些年，每次重看對答，仍能笑得出。
問：有乜米最好，我想問米，你除咗米之外仲有冇香燭、生果
答：有，仲可以畀你試食。
問：有無1962年年份出產嘅米？嗰年雨水好，啲米香啲。
答：嗰年泰國南部雨水太多，啲米有泥土味，丹寧又唔夠，你食埋我份。
問：有冇毫米or厘米買？
答：$80賣把間尺過你。
資料及相片來源：ADWEEK、distractify、香港網絡大典
記者：葉青霞