自從農曆新年之後，已經少咗落區自拍呃like嘅美國駐港總領事夏千福，噚日終於再現facebook。原來千福BB星期一趁佛誕日去咗長洲，出席太平清醮，欣賞飄色巡遊。身穿紅色Polo恤嘅千福BB大讚呢個傳統活動充滿歡樂、活力：「巡遊隊伍的小朋友穿着不同服飾，仿似真的凌空飄起！」
山長水遠嚟到長洲，但最後搶包山比賽因為天雨關係取消，唔知千福BB有冇學港人一齊鼓譟喝倒采先？沉寂一排嘅千福BB，呃like能力並無減弱，佢幅相上載短短一小時，呃like數目220個。要比較嘅話，梗係搵梁振英啦。政府新聞網噚日亦都上載梁振英參觀警察總部了解警隊工作，一小時，30個like，兩者相差超過7倍。說明咗啲乜嘢？唔使多講。