Apple Watch雖然未能帶動炒風，不過估計一眾潮人都人手一隻！韓版最新的Apple Watch保護錶套亦剛到港，造型相當霸氣，套上後，錶肉明顯大上半個碼，很多嫌Apple Watch稍細的人，現在找到補救方法了。
當中最簡單的款式是透明殼（$168），不過很多人覺得戴咗好似冇戴，如果喜歡原始風味，或者可以諗諗；黑色及金色亦多人揀（各$198），錶肉擴大近一圈，當中以金色較多人喜愛，除了襯白色錶帶較靚外，亦是唯一擁有Digital Crown保護位的錶套。
不過說到最熱賣的，還是使用上下夾層式設計的款式（$258），好多人仲美稱為G-Shock錶套。底部是軟膠，面層有硬膠邊框之餘，連錶面亦有透明膠片保護，而且套上後手錶明顯大了兩圈，係很多愛大錶人士的心水。不過感覺人心真的好難捉摸，又要喜歡Apple Watch，又要佢似隻G-Shock。
記者：朱崇德