現年78歲的謝賢（四哥）前年與胡楓及Joe Junior為無綫拍攝綜藝節目《三個小生去旅行》，後日更會原班人馬，加上出爐金像獎最佳男配角曾江到俄羅斯拍攝《四個小生去旅行》，日前他們還到診所驗身。
有傳四哥上周六剛做完「通波仔」手術，醫生建議他不宜坐飛機遠行，但專業的四哥卻堅持如期出發，他早前更自爆要追求刺激快感，希望攝製隊安排他接受太空人離心訓練。
彈俄妹唔夠索
記者昨致電四哥求證，聲音洪亮的他說：「係咩，有啲咁嘅事？好耐啦，通波仔幾年前，我𠵱家身體狀況好好。」四哥表示近日驗身，醫生指他狀態很fit：「好正常，全部都玩得。」他認為即使挑戰刺激玩意也要視乎自己的意志力，問四哥身體機能可負荷嗎？他信心十足：「自己可以先敢玩，如果呢度痛，嗰度又痛就話唔得，曾江對腳幾乎唔行得，佢就唔好玩，我識照顧自己，最好喺嗰度死鬼咗咪算數，哈哈哈！」四哥口沒遮攔，認真大吉利是。這次四小生成行，可會迷暈當地俄妹？四哥風騷說：「我怕控制唔到，俄妹唔索，好鬼高，有啲仲高過我，我唔鍾意高妹。」
此外，四哥日前被拍到與兩名男友人到中環Caf𥌎 Landmark開餐，全程不停吹水。
採訪、攝影：陳杰、潘冠恩