香港首席車手歐陽若曦嚟緊暑假化身歐陽sir，親自教小朋友賽車！噚日記者會席上放咗張佢八歲學緊小型賽車嘅得意相（圖），佢話好想將自己由細到大嘅賽車經驗教畀小朋友，幫香港培育更多車手。呢位新鮮出爐GT亞洲系列賽南韓站冠軍，會喺七月出席一連兩日嘅「青少年明日之星賽車培訓計劃」，親自指導9至16歲青少年，報名詳情會喺兩星期後公佈。