季內最後一次沙田夜賽本周三(27日)上演，馬房以方嘉柏最捧得過，蓋今季跑過五次沙田夜馬，方嘉柏馬房每次皆有馬贏，其中近四次皆以王牌馬取分，總數七駒勁取五冠一亞，數字非常突出，冇得唔信邪；而今期方嘉柏一對王牌馬為「糖黐豆」及「雲呢拿」，當然可睇高一線。
頭場「糖黐豆」近三仗一冠一亞一第五，季尾狀態理想；本身之前曾兩戰泥地，皆是爭一哩輸不遠，而1800米曾於谷草報捷，今仗跑五班泥地1800米應合，改配今季成績佳之郭能，有力重開勝門。
尾場「雲呢拿」跑二班泥地1800米，此駒在港兩捷俱贏三班同程，二班雖未贏過，但曾屢次跑近，埋門試泥閘後追有勢，既然以往兩次打王牌跑泥地全勝，今再作相同部署，有好表現可以預期。