環保觸覺主席譚凱邦（Roy）就長實喺元朗豐樂圍嘅發展項目，向高等法院申請司法覆核，成功申請法援，但都要分擔其中47,000蚊費用，佢日前就喺fb公開籌旗。
Roy同八方講，有法援唔代表免費，尤其係佢呢啲有正職，通常打官司都要分擔啲錢，而一場司法覆核要幾十萬。佢話豐樂圍鄰近濕地，有好高生態價值，根據政策係要公私營合作先可以發展，擔心今次長實開壞先例，以後成個后海灣都會陸續俾人破壞。Roy預計只要有百零人，每人夾300至500蚊就夠47,000蚊呢條數；若然成功覆核，估計政府會上訴去終審法院，隨時要搞成年。如果勝訴，佢話呢筆錢將會繼續用喺同環保有關嘅司法覆核。想捐款可將款項匯到譚凱邦恒生銀行戶口，戶口號碼290-131622-882，並將入數紙私訊畀佢facebook做記錄。