亞視昨安排朱慧珊、劉錫賢、蔡國威、張家瑩、袁潔儀、鮑起靜、黃日華、張文慈、宮雪花和袁文傑等新舊藝人，在亞視大埔總台錄影後日播出的台慶特備節目《亞視光輝歲月》，平日冷冷清清的廠房忽然熱鬧起來。
眾人還切蛋糕，花姨送墨寶，鮑姐則給葉家寶送上人蔘補氣，鮑姐說：「家寶近排都好辛苦，佢都係打工仔，唔應該背負太多罪名。今日好難得，好多人都好耐冇見。」
首次到訪亞視大埔總台的黃日華也說：「感覺幾奇怪，今次第一次嚟，亦可能係最後一次。雖然亞視成績麻麻，不過人情味真係重好多。」對於亞視與港視均未有好成績，黃日華說：「ＴＶＢ有成40幾年，實力一定係高班好多，不過亞視每次都係搏命打仗，我當年喺亞視第一套劇《還看今朝》都有同ＴＶＢ鍊過，有過好成績，我都叫冇遺憾喇。希望將來有更好電視台出現，除咗對觀眾好，台前幕後都可以有發揮。」
