加拿大手機生產商黑莓（Blackberry）行政總裁（CEO）程守宗，2013年開始掌舵，呢兩年都可謂將黑莓起死回生，不過佢上年度嘅人工得340萬美元，較前一年嘅8,580萬美元縮水96%！
但呢個只係數字遊戲，佢前一年嘅薪酬，除咗100萬美元，其餘全部係限制股份，上年有340萬美元其實多咗㗎喇。
需知道黑莓2013年求賣盤失敗，時任CEO Thorsten Heins被炒，程守宗臨危受命。當年嘅黑莓推出智能手機Blackberry 10賣唔出，俾蘋果iPhone同三星智能手機打到殘，要大手撇賬，程守宗上任後轉向專注發展手機保安軟件，反而冇咁重視硬件銷售，穩住黑莓嘅財政狀況。
不過，單係穩住財政係唔夠嘅，程守宗仲要令黑莓收入增加，事實上黑莓收入仍持續下跌。程守宗唯有勒緊褲頭，繼續努力！