韓星宋承憲及陳慧琳（Kelly）昨晚在尖沙嘴廣東道，為時裝品牌Ports 1961新店開幕擔任剪綵嘉賓，表現親民的宋承憲主動與店員及傳媒影selfie，他接受訪問時表示是Kelly粉絲：「係第一次見面，之前已看過她的作品，見到她真人好開心，如果有機會合作都好榮幸。」問今次來港會否到處逛？他表示：「可惜每次來的時間很短，之後去內地拍戲，今次有時間都想吃火鍋。」
Kelly澄清無代言減肥藥
剪了短髮的Kelly則主動澄清有人冒充她肖像賣減肥藥：「已經喺facebook澄清咗，公司都發咗律師信，突然好多人問我食減肥藥，驚啲人食咗出咗事，入我數過意唔去，件事係假，我冇做減肥藥代言，我生完仔係做運動減肥。」
中女粉絲拉起橫額接機，更有粉絲準備了CD及書給他簽名，其間宋承憲被粉絲要求在她手臂簽名，起初宋承憲有點尷尬，最終都完成對方要求。
採訪：卓寶花
攝影：陳慧安、葉君海
