香港政局持續陰晴不定，惟上周五中國在收市後投入一個「震撼彈」，推出一直只聞樓梯響的中港兩地基金互認，港股因而急升約1%，升幅雖遠不及內地股市，惟氣氛卻突然變得非常樂觀。有基金界朋友指，兩地基金互認除短期內能為香港帶來最少約3,000億元潛在「新錢」，還附帶另一個好消息──港股分析員需求將大增。
友人指，兩地基金互認政策一出，側聞中資券商已即時開始招攬港股分析員。他說︰「要鬥睇A股，香港人當然唔夠內地人嚟，因為內地股市係消息市，唔係點睇基本因素，普通一個香港分析員，同大陸公司點熟，都唔會熟得過內地人……睇港股就唔同，要睇基本因素同市場趨勢，呢一點香港分析員仲有優勢。」
港股分析員需求雖然增加，友人表示，由於相對外資券商中資券商「出手」普遍較低，待遇當然不能與外資行相比，但需求多了，始終都是件好事。他說：「（分析員）被人裁咗咁耐，今次都叫有番啲需求，期望第時新錢再多啲嗰陣，先再諗跳槽囉。」相信這亦是很多分析員的心聲吧。
密西比