今期(27日)沙田泥地夜馬潘頓停賽，有四位好手跑足八場，分別係莫雷拉、韋達、郭能及田泰安。其中唔使問都知，雷神喺騎師王彩池一定熱到乏味。
其實半冷吼郭能，絕對諗得過，睇番佢嘅八匹座騎中，除咗「勁勇威龍」、「勢必跑」外，其餘六匹「糖黐豆」、「保羅威威」、「福嘉皇」、「紅褲仔」、「幾叻仔」及「好老友」全部喺近三仗內曾勝出或上名，近態有保證。其中「紅褲仔」、「幾叻仔」及「好老友」更曾經喺泥地贏馬，戰鬥力毋須懷疑。
葉廐「好老友」四戰同程泥地一哩得兩冠一季演出可靠，剛剛同程排11檔劣位下放到，新勝濕泥賽事，近日天氣不穩，正合佢發揮，抽1檔遠好過上仗，今朝(25日)葉楚航捉住郭能傾個唔停，有晒搏殺手影，相信今次跑第二都唔開心。
至於郭能初跑泥地嘅座騎中，「保羅威威」埋門試泥閘上名走勢好，有備而來，睇嚟郭能真係有機會封王，登上今期騎師王寶座。