一，既然議員在未有一地兩檢前跨境，證明唔係拖喼水客，張x明會向大家深情獻唱一曲，曲目有得你揀：a海闊天空（揀還揀，冇得唱），b一起的撐（揀完當做參考材料），c獅子山下（擺明老點，一出賓館就沒收回鄉卡！）
二，雖然譚議員認為「你阿媽」是粗口，但聚會中京官仍然會積極地扮住你阿媽先，幫全體議員揀老婆。你阿媽選了白雲鳳爪做你老婆，譚生，會𦧲飯應吧。
三，慰勞個別功能組別議員，做三次內部投票的醫生界別，「誠意」有目共睹，點止一億一票！自己收集調查搶埋三家大學的民調學者飯碗的測量界，比姓周的更落力，冇理由唔給like。還有高調call晒下屬落街簽名的金融業代表，第日深港通的頭桶金，一定預你一份！
四，既然831沒有修改空間，沒必要摸底，大家轉話題，和諧地比較吓，邊隻日產電飯煲和洗屁股廁板抵買，趕在九月三日抗戰勝利例假前入貨，由王光亞到蔣大媽，他們都是Panasonic，有買趁手，make it happen。