【本報訊】「其實每個人都係舞女，老闆就係媽媽生，客人就係嫖客。香港係笑貧不笑娼，窮就係原罪。」這句說話雖然很地踎，但就是《月入三萬的香港人》原作者于日晨的感受。
兩年前，于日晨在網絡上發表了《21世紀，月薪三萬元的港人》，當時已被讀者大讚寫實，是香港人的心聲，更有人把故事改編成Rap版。直至最近被翻拍成短片，仍能掀起熱潮，「即係話其實呢兩年香港冇進步過，仍然都係生活喺水深火熱入面。」于日晨直言「惟有叫政府開多啲劏房出嚟」，更指在香港最慘就是住，能買到樓已是成功的一群。
「我係香港人，但係香港好似已經唔係我哋嘅，加上我哋生活得唔好，要為住為吃而煩惱，呢啲都會令我哋冇表情。」《月入三萬》一片中，其中一句對白，由小朋友問媽媽：「我大個咗要賺幾多先夠？」現在月入已過3萬的于日晨就笑言：「以6年23.6%通脹環境嚟講，要30萬先夠。」
已有6本著作的于日晨，在今年書展仍會繼續出書，他就指今年會主力寫關於香港的故事，主要是想警世。
記者︰孫夢絲 張定明