香港佳士得嚟緊會舉行亞洲藝術春季拍賣，拍賣品估值高達13億港元。今次拍賣嘅焦點之一，係明朝永樂帝御製嘅寶帳護法織錦唐卡《大明永樂年施》款，估價1,200萬至1,800萬。呢件唐卡有乜咁巴閉？據佳士得介紹，永樂帝御製唐卡現存7件，其中5件藏於西藏寺廟及文物單位不對外開放，另外兩件係私人藏品，其中一件於2014年拍賣，創下中國藝術品世界拍賣紀錄，而今次拍賣嘅唐卡就係另一私人藏品，亦係世上僅餘嘅同類型唐卡。另一重點推介係國畫大師張大千於1960年同畢卡索會面後，受啟發創作嘅《雲山居隱》，被喻為係張嘅顛峯之作，佳士得估價達1,600萬至2,200萬。