我們都是豬肉榮。豬肉佬是飲香港水有交水費所以唔識感恩的香港仔，具備了14K蜘蛛仔的獅子山精神。阿媽，唔使幫豬肉佬揀老婆了，只要尊重豬肉佬的專業，咪搞「港豬分裂」！「肉類分割技術員」正豬盲腸搭豬頭骨，啃唔落。
我們都是Sorry Sir。久違了的sorry，將你扑穿頭的差佬，變成「再嘈拉你返差館強姦」的慈母的今日，怯，你就食棍！歉，你點叫都唔會道！一哥一定也有細佬吧，細佬，你幾時開始自閉？自願登記弱智名冊，有冇你個名？
我們都是仆街。既然是仆街，優化之後仍是仆街，絕對沒有修改空間。佳叔老老實實結結巴巴說穿了，就算五百萬合資格選民一人一票揀特首，結果都是一仆一碌，阿爺睇一眼，參考完材料，合憲合法delete。
我們都是雞鴨鵝。高官當市民是禽畜，市民自我感覺廁身雞籠好過劏房，一地兩檢，有望在每個人頭上那把刀落下時，落實。我們都是受苦72×N小時的鵝。