這天由新馬賽1000米打頭陣，一開場即刻畀落飛黨重鎚得手，徐廐兩歲澳洲自購新馬「一片光明」初試啼聲，落飛成次熱門3.6倍一擊即中，在柏寶胯下後上勝出直路賽，拋離三身位，姿態有餘未盡，搭「綫路神駒」Ｑ則著了綠燈，幾百萬彩金袋袋平安，騎練合作亦告延續威力。
「一片光明」與同樣初出即勝之「鄉村輝煌」同父，前駒馬主係新亞校友團體，團體成員包括香樹輝及政會議非官守成員張志剛等，兩人都有拉頭馬。
兩歲馬「一片光明」天生大白鼻，跑起來特別搶眼，早段留住少少跑，拉士一加速即越過放頭馬「綫路神駒」，盡顯超班本色，連贏就咁由這對初出馬包辦，第三名係第三熱門「平民百勝」；第四名係另一政界名人田北俊愛駒「人民武士」。而大熱門「猛將神駒」反而影都冇，表現好令人失望。