溫布萊周一將上演英冠升班附加賽決賽，由聯賽第四位的米杜士堡鬥第三位的諾域治。由於升上英超，球隊料有1.2億鎊（約14.4億港元）收益，兩隊都會拼盡；不過，米堡對賽往績稍為佔優，而射手班福特又料可以復出，故平手盤宜捧米堡。（球賽編號：星期一6；無綫網絡電視301台今日10:00pm直播）
在這場「1.2億鎊之戰」中，兩隊賽前都有好消息，米杜士堡料有射手班福特傷癒，諾域治亦有前鋒加比賓刑滿復出。不過，稍為看好米堡，是因為該支東北球隊的防守屬全英冠最好，整季僅失37球。另外，米堡近七仗僅一負，中前場人腳亦好，阿當基頓、列比達及艾度馬等個個能傳擅射，不難射破諾域治大門。
諾域治往績落下風
諾域治近況同樣好，近13仗僅1負，一眾攻擊球員如荷拉漢、侯臣及謝路美等近仗都不時取得入球，加上前鋒加比賓刑滿復出後，前線人腳調動更為充裕。不過，「金絲雀」近屆與米堡對壘常被後者食住，近六次與米堡交手只得一勝兩和三負，今役就算不用讓波，亦不宜過份高估。
賽制：兩隊若在90分鐘內打成平手需加時，加時再和則互射12碼決勝。
文：何西
識睇，一定係睇足英台【英波Live】：
http://soccer.appledaily.com
http://bit.ly/engballlive