今屆冠軍騎師已塵埃落定，莫雷拉領先最接近之潘頓都有40場頭馬，後者雖然窮追不捨，但肯定無法扭轉乾坤。話雖如此，潘頓爭勝雄心從未下降，季內每次停賽前例有馬贏，今期更陣容鼎盛，大可延續優良傳統，連場數糊為自己即將停賽三個賽日打定底，盡量彌補損失。
潘頓禮拜日(24日)實力馬唔比雷神少，當中包括「猛將神駒」、「威祥」、「傲飛星」、「喜俊寶」、「金鹿」、「隨心隨意」等，其中前兩駒更有力囊括第一口孖寶。
頭場「猛將神駒」兩戰均獲亞軍，早熟兼有質素及速度，贏馬只等一個機會，前仗初出同程直路賽，讓9磅才不敵「平民百勝」串Q，如今進度更足下，潘頓鍥而不捨，加上今仗只讓「平民百勝」2磅，可望反敗為勝。
第二場「威祥」累積減分已多，以往三捷都係由潘頓經手，今仗故劍重逢，勢助孫廐打破悶局。