吳綺莉女兒卓林上星期去瑞士遊學一星期，昨日回港，吳綺莉於下午5時現身機場，戴着口罩的她雖然明顯有倦意，但為做慈母亦帶病接機。吳綺莉表示卓林在當地亦有報平安，但未有傳相給她看，因為在瑞士期間沒有wifi。她表示現時兩母女關係正常：「小朋友已經16歲有自己思想，我哋都試過16、17、18歲，都唔鍾意同阿媽講咁多嘢，最緊要唔好行差踏錯，返學正常。」
拖手同回家
吳綺莉透露與卓林有近3、4個星期沒見，回港後會一同回家，希望能與女兒好好討論之前的事，免得再令大家不快。她表示卓林會如常上學：「佢會跟番啲功課，可能大家culture唔同啦，咁兩母女邊有隔夜仇呀？要嬲嘅都嬲完。」
卓林出閘時見到傳媒初時亦迴避鏡頭，更搞到絆倒，幸好冇受傷，她後來企定定大方受訪，還與吳綺莉拖手，問她有沒有掛住媽媽？卓林說：「Yes。」她又表示願意打開心窗與媽媽溝通：「我冇嬲媽咪，都有買嘢畀佢。」
採訪：張俊銘
攝影：陳俊強